«Мон яратӥсько перепеч» фестиваль ортчоз Дэбес черкогуртын
«Мон яратӥсько перепеч» фестиваль нырысьсэ ортчытӥське. Солэн ужпумез — Удмуртиын улӥсьёсты удмурт йӧскалык сиён-юонъёсын тодматон. Нимысьтыз саклык висъялозы перепечлы.
Куноос сӥлен, губиен, кубистаен, пешникен перепеч верьяны, озьы ик сое пӧраны дышетскыны быгатозы.
Озьы ик фестиваль улсын Удмуртиысь Чеберлыко киужъёсъя юртъёсысь усточиослэн киужъёсынызы адӟытон-вузкарон луоз. Со сяна, шудонъя, эктонъя, кырӟанъя площадкаос ужалозы. Кутсконэз 12 часын.
Тодэ вайытом, кык ар ӵоже ни Дэбесын «Зарни — Ё перепеч, табань но пельнянь!» фестиваль-вожвылъяськон ортчытъяло. Со улсын 2017-тӥ арын черкогуртысь лулчеберетъя но шутэтсконъя «Чупчипал» паркын «Зарни перепеч» синпелет пуктӥзы.