«Мистер Содружество» вожвылъяськонэ 9 пиос пыриськизы Можгаын

Конкурсантъёс Можга карын улӥсь выжы калыкъёслэсь сям-йылолъёссэс возьматӥзы. Озьы ик вожвылъяськонлэн визьсынан люкетаз пыриськизы но физкультурая быгатонлыкъёссэс возьматӥзы.

Йылпумъянъёсъя вормись луиз 8 номеро гимназиын дышетскись, «Вместе» огазеяськонлэн Можга ёзэтэзлэн ёзчиез Иван Иванов.

Нош учкисьёс дурбасьтизы агропромышленной колледжысь студент Дмитрий Сурнин понна.