«Мисс студенчества Финно-Угрии» калыккуспо вожвылъяськон 2020-тӥ арын Удмуртиын ортчоз

«мисс студенчества финно-угрии» калыккуспо вожвылъяськон 2020-тӥ арын удмуртиын ортчоз 1

Вожвылъяськонэ Финн-угор университетъёслэн ассоциациязы пырись дышетсконниосысь тямыс нылъёс пыриськизы. Соос пӧлын Удмурт кун университетысь Юлия Сунцова но Глазкарысь В. Г. Короленко нимо пединститутысь Ольга Ашихмина.

Вожвылъяськон 20-24 куартолэзе егитъёслэн «Финн-угор тулыс – 2019» калыккуспо фестивальзы улсын Ханты-Мансийскын ортчиз. Нылъёс асьсэ дышетсконниосынызы видеопрезентациос ортчытӥзы, пресс-конференцие пыриськизы. Йылпумъян ужрадын асьсэ улосвылъёссы сярысь веразы, йӧскалык дӥськутъёсынызы ортчизы. Анай кылынызы йылолъёслэсь люкетъёссэс возьматӥзы яке монолог лыдӟизы. Творчествоя конкурсын Юлия Сунцова но Ольга Ашихмина кырӟазы. Собере ас калыксылэн йыре пононэныз, ӝыт дэремъёсын потазы.

«Сыӵе сюлмысь но яратыса тӥ фин-угор калыкъёслэсь лулзэс возьматӥды. Ӝоггес мынэме потэ ни отчы, кытын ӧй вал на», — шуэ Всеволод Кольцов, Ханты-Манси автоном округлэн – Югралэн губернаторезлэн воштӥсез.

Дунъясьёслэн йылпумъянъёссыя Юлия Сунцова «Мисс творчество» ним басьтӥз, Ольга Ашихминаез «Мисс артистичность» номинациын пусйизы.

«Мисс студенчества Финно-Угрии 2019» ним басьтӥз но «Мисс весеннее настроение» луиз Мари кун университетысь Маргарита Кутасова. «Вице-мисс студенчества Финно-Угрии – 2019», озьы ик «Мисс хранительница традиций» Югрысь кун университетын дышетскись Елена Шуганова луиз.

Сваровски кристаллъёсын чеберъям коронаез Маргарита Кутасовалы вожвылъяськонын кылем арын вормем Удмуртиысь Евгения Аркова сётӥз.

Озьыен, корона Марий Эл Элькунэ кошкиз, нош фестивалез вуоно арын Ижкар, Удмурт кун университет, пумиталоз.

https://udmurt.media/udm/news/kultura-i-turizm/56767/

 

Поделитесь с друзьями:
Аватар александр бикузин

Журналист, редактор сайта, руководитель и куратор медийных проектов, продюсер и ведущий интернет-телеканала «Даур ТВ»

Дом Дружбы народов
Добавить комментарий