Михаил Петровлэн «Италмас» поэмаезъя пуктэм спектаклез возьматозы Ижкарысь школаосын

Михаил петровлэн «италмас» поэмаезъя пуктэм спектаклез возьматозы ижкарысь школаосын 1
Калык творчествоя элькун юртын ужасьёс Михаил Петровлэн «Италмас» поэмаезъя пуктэм «Зарни Италмас» спектаклез Ижкарысь школаосын возьматозы. Дышетсконниосы артистъёс 19-тӥ коньывуон бере потаны кутскозы

Спектаклез Удмуртилэн кунлыкезлэн нуналэзлы дасяло.

«Удмуртилэн кунлыкезлэн нуналэз бере, соин ик быръемын вал «Италмас», кудӥз элькунлэн тодметэз луэ», — шуэ Михаил Апрельский, сценарист.

Ӧнерчи верамъя, со сценариез классикалэсь палэнскытэк кылдытыны тыршиз. Владимир Семакинэн ӟуч кылэ берыктэм произведениен ужаз. Ӵапак та берыктон удмуртъёслэн мерлыко улонзылы матын, лыдъя Михаил Апрельский.

«Мар азьло вал – узыръёс но куанеръёс. Узыр Байтуганлэн туганзэ таламез потэ куанер Камашлэсь, кудӥз яратэ Италмасэз, нош Италмас яратэ сое. Тӥни со бордын конфликт», — вера Михаил Апрельский.

Спектакльын Калык творчествоя юртысь ӧнерчиос шудо. Пуктӥсь режиссёрез Денис Кузнецов. «Зарни Италмас» ӟуч кылын мыноз.

Чаклам арлыд: 10+

https://udmurt.media/udm/news/kultura-i-turizm/43466/

Туспуктэм: Наталья Тетериналэн.

Поделитесь с друзьями:
Аватар александр бикузин

Журналист, редактор сайта, руководитель и куратор медийных проектов, продюсер и ведущий интернет-телеканала «Даур ТВ»

Дом Дружбы народов
Добавить комментарий