Ми пӧртэмесь — соин ми кужмоесь

Туэ шулдыръяськон сӥземын луоз Глазовын улӥсь выжы калыкъёслы. «Ми пӧртэмесь — соин ми кужмоесь» — сыӵе ним услын ортчоз со.

Карлэн нуналаз удысъёсъя  вить шулдыръяськон интыос ужалозы. Озьы ик «ЭкоВелоМобиль» конкурс ортчоз. Со — чеберъям велосипедъёсын но инвалид коляскаосын урамъёсти ортчон парад. Отчы котькуд мылкыд карись пыриськыны быгатэ.

Праздникын тужгес пусйымон улосчиоссылы «Глазовлэн дано кунмуртэз» ним сётозы.