Мерлыко вотэсъёсысь финн-угор «кизилиослэн» вожвылъяськоназы пыриськыны быгато Удмуртиын улӥсьёс

Мерлыко вотэсъёсысь финн-угор «кизилиослэн» вожвылъяськоназы пыриськыны быгато удмуртиын улӥсьёс 1

Ужрадэз радъясьёс утчало мерлыко вотэсъёсын финн-угор но самоди кылъёсын бамъёссэс рос-прос нуисьёсты: видео гожъясьёсты, блог яке мукет амалэн гожъяськисьёсты. Валтӥсез — конкурсэ пыриськись  ас кылзэ туала амалъёсын вӧлмытыны мед тыршоз.

Вожвылъяськон куинь ӧръёсъя ортчоз: мерлыко вотэсын мыло-кыдо но кемалась бам нуисьёс, али кутскисьёс но крезьгурасьёс. Берпуметӥяз огназы кырӟасьёс но ансамбльёс (витьёзь адямиен) пыриськыны быгато.

Вормисьёсты конььывуон пумын Финляндие гастрольёсы ӧтёзы. Отын соос пӧртэм площадкаосын, со пӧлын дышетон юртъёсын, ас ужаменызы тодматозы.

Конкурсэ пыриськон понна 2019-тӥ арын 16-тӥ инвожоозь ас бам, канал яке видео вылэ чӧлсконпус (ссылка) келяно. Вормисьёс инвожо пумозь шараямын луозы. Жюри финн-угор яке самоди кылэз уже кутэмез одно ик лыдэ басьтоз. Озьы ик гожтослэсь пуштроссэ, мылкыдэз, ужъемышез, гожтӥськемъёслэсь лыдзэс чаклалоз.

Куриськонъёсты келяно: simo.kantele@venajaseura.com (Симо Кантеле) яке riku.savonen@venajaseura.com (Рику Савонен)

Вожвылъяськонэз Финлядиысь дышетонъя но лулчеберетъя министерство юрттэм улсын «Финляндия — Россия» огин радъя.

Поделитесь с друзьями:
Аватар александр бикузин

Журналист, редактор сайта, руководитель и куратор медийных проектов, продюсер и ведущий интернет-телеканала «Даур ТВ»

Дом Дружбы народов
Добавить комментарий