Матэктэ тотальной диктант

«Диктант сӥземын луоз театрлы, — вера «Мынам Удмуртие» ТРК-лэн валтӥсь редакторезлэн воштӥсез Сергей Касаткин. — Юнме шорысь ӧвӧл, малы ке шуоно туэ Россиын театрлэн арез. Валтӥсь площадка луоз йӧскалык театрын. Татын ик мылкыд карисьёслы уникальный луонлык кылдытэмын луоз тодмасткыны театрлэн пуштросэныз. Соос понна театрын диктант азьын вакчияк аспӧтэмлыко экскурсия радъямын луоз».

Бадӟым удмурт диктантлы (#БУД) текст гожтоз йӧскалык театрысь егит артист, гожъяськись Алексей Котков. Лыдӟозы но театрысь артистъёс.

Дышем сямъя, удмурт кылын гожъяськыны быгатэмез эскерыны луоз «Мынам Удмуртие» радио пыр меӵак эфирез кылзыса но.

Миым сямен, туэ но сое гожытыны вань ёросъёсын интыос радъялозы. Ижкарын соос 5 луозы. Озьы ик акцие пыриськыны быгатозы шаермылэн палэназ улӥсь удмуртъёс.

Тодады вайтом,  кылем арын улосвылкуспо акцие 2 сюрс 500 адями пыриськиз. Шаерамы 100 пала площадкаос ужазы. Озьы ик Россиысь мукет улосъёсын 20-лэсь трос интыосын удмурт кылын диктант гожтӥзы.

http://www.myudm.ru/