Маргарита Лянге студентъёсын пумиськылӥз

    Маргарита лянге студентъёсын пумиськылӥз 1

    Час ӵоже Маргарита Арвитовна йӧскалыккуспо журналистикалэн кулэлыкез сярысь вераз. Сыӵе проектъёс быдэс дуннеын ӧвӧл ни, — шуиз со. Дышетсконъёс огдыре мыно Россиысь 25 улосвылъёсын. Ижкарын, кылсярысь, дышетсконлэн 3-тӥ сменаез радъямын ини. Вань студентъёс огъя федерал программая тодон-валан люкало. Статьяоссэс Национальный акцент порталын печатлало. Куартолэзь пумын Школаез йылпумъямзы сярысь егитъёс сертификатъёс басьто.

    Пумиськон-кенешонын вераськон ӝутэмын вал йӧскалык кун политика, выжы калыкъёслэн азьвыл кусыпъёссы сярысь – куке Россилэн шундыпуксён но уйпал шаеръёсаз калыкъёс интыяськыны кутскизы, кызьы пӧртэм авторъёслэн произведениосазы калыкъёслэн кусыпъёссы возьматэмын. Со сяна валаны тыршизы мар со «тушмонлэн кылыз» но «эшъяськонлэн кылыз».