Мар интыяськыны кулэ Удмурт коркан
Ужрадэ вотэс пыр но пыриськыны луоз, отысь меӵак эфир нуиськоз, калык юанъёссэ но дэмланъёссэ вотэсын ысъяны быгатоз. Нош али «Удмурт Кенеш» огазеяськон юалляськон ортчытэ. Тӥ али ик быгатӥськоды ни малпандэс вераны, мар интыяськыны кулэ Удмурт коркан.
Вуизы ни трос пӧртэм дэмланъёс. Кылсярысь, тросэз куро, та юртын одно ик удмурт кылъя, эктонъёсъя дунтэк занятиос мед ортчылозы шуыса. Покчи кырӟасьёслэн «Камали» студизылы но татын инты, пе, ярасал. Егитъёслэн «Шунды» огазеяськонысьтызы егитъёс шуо: умой луысал, быдэс ар ужась «Шундыкар» усьтӥськысал ке. Соку нылпиос пӧртэм ӧръёсъя кружокъёсы ветлысалзы. Мукетъёсыз верало, кулэ, пе, адӟытонъёсын зал, музей, удмурт книгаосын вуз карись магазин, IT парк, спортзал но мукет.