Лымшор удмуртъёслэсь выльдэм юртсэс усьтозы «Лудорвайын» 14-тӥ коньывуонэ

«Та юртъер пыр милям тросгес куноос кошко, малы ке шуоно  cо милям шудӥсь куно пумитась усадьбамы, кытын ортчыло сиён-юонэн герӟаськем ужрадъёс. Соин ик тужгес, но ӵем сое рос-просгес толалтэлы дасяно луэ, малы ке шуоно отын гур эстонэз вань. Гурмес воштӥмы ми», — ивортӥз «Лудорвай» музейлэн кивалтӥсез Татьяна Шкляева.

Татьяна Шкляева верамъя, лымшор удмуртъёслэн юртазы куноосты пуктон интыос но тросгес луизы. Табере котькуд семья нимаз ӝӧк сьӧрын кунояськыны быгатоз. Со сяна, азьло коркаысь пӧраськон инты туала куронъёслы уг тупа вал — со калыклы адӟымон вал. Пӧраськонниез син азьысь ватон вылысь музейын ужасьёс сое воштоно кариськизы.

Выльдэм юртын нырысетӥ удмурт йылолъёс туннэ, 13-тӥ коньывуонэ, ортчизы ни. Нош ӵуказе нимлыко усьтон ужрадын пӧртэм мастер-классъёс радъяськозы: пиналъёслы — мунё бинялтонъя, нош бадӟымъёслы — табань пыжонъя.

«Гурлэн тужгес бадӟым праздникез — со табань сиён. Гурмылэн кык ымыз, таӵе гурез ӧд адӟылэ на вал. Со ласянь но, та ласянь но пыжиськыны луэ, – шуэ Татьяна Шкляева.

Ватсалом, 14-тӥ коньывуонэ «Лудорвайын», лымшор удмуртъёслэсь выльдэм юртсэс усьтон сяна, Пукро праздникез пусъёзы. Нош 14-тӥ, 15-тӥ, 21-тӥ но 22-тӥ коньывуонэ «Гур дорысен кырӟаськом но эктӥськом» программа радъяськоз.

http://udmurt.media/udm/news/kultura-i-turizm/25698/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий