Лулчеберетъя но историяя «Немцы в городе» проект ужзэ мытӥз
![Лулчеберетъя но историяя «немцы в городе» проект ужзэ мытӥз 1](https://udmddn.ru/wp-content/uploads/2019/05/nem-1.jpg)
Проектэ пыриськизы немец кылэз мур дышетонъя 22-тӥ лицейын дышетскисьёс но этнокультурая «Киндернест» школаысь пиналъёс.
Ӵектос улсын 5 экскурсиос ортчозы. Соосты нуоз Ижкарысь лулчеберетъя но историяя “Антей” клублэн кивалтӥсез Максим Блинов.
Экскурсиос Ижкарын немецъёслэн улэм-вылэменызы герӟаськем ульчаостӥ, интыостӥ мынозы, кытын али ке но соос сярысь тодэ-ваёнъёс кылемын.
Уноез со интыос Кирхнеров пролка (али Советской ульча) возтӥ ортчо. Котькудӥз экскурсия йылпумъяське немец лулчеберетъя Центрын. Со Пуренгов пролка но Тямысэтӥ ульча сюрес вожын (али Пастухов но Пушкинской ульчаос) интыяськемын. Татын пиналъёс Россиын улӥсь немецъёслэн истоиенызы тодматско, немец кылысь асэстэм кылъёсты тодо.
Проект улсын ик интыысь интые выжылӥсь «Немцы в Ижевске!» но «Путеводителя по немецкому Ижевску» адӟытонъёс усьтыны чакламын.