«Лудорвайын» Вожодырез пусъёзы

    «лудорвайын» вожодырез пусъёзы 1

    Шулдыръяськонэ Сьӧлта, Лудӟи но Уча черкогуртысь «вожоос» пыриськозы. Куноос понна тунсыко программа дасямын: пӧртмаськисьёслэн шествизы, вожодыр нянен куноятон, вожо куносын тодматскон, вожоосты тыметэ уллян но мукет.
    Нуннал ӵоже ужалозы пӧртэм площадкаос: «Пукон корка» (мунё лэсьтонъя мастер-классъёс), тунаськонъёс, гурт сиёнэн тодматскон – шӧмъян.

    «лудорвайын» вожодырез пусъёзы 2

    Удмурт фольклоръя Вожоос – ӵыжы-выжыоссэс чакланы вуэм кулэмъёслэн лулъёссы. Соин ик, пӧртмаськисьёслэсь кышкано ӧвӧл, юртэз котыръяса но аляктыса соос сьӧд кужымъёсты улляло но семьялы дэлетлык сӥзё. Вожоосты шуг тодманы. Дӥсьсы аспӧртэмлыко, мыдлань дӥсямын. Нош ныл-а, пи-а — тодманы уг луы. Нылъёс пиослэсь дӥсьсэс дӥсяло, нош пиос — нылъёслэсь. Маскаръясько, чупрес но шаплы кырӟало-верало. Нош йылпумъяськемез бере, пӧртмаськисьёсты ческыт сиён возьма. Кузё мылысь-кыдысь куноя соосты. Кузёлы соос возьмам куноос, малы ке шуоно, кин доры вожоос вуизы, соосты узыр, шудбуро улон вите. Соин ик вожоослэн пыремзы — бадӟым шумпотон, нош пичиослы — шудэмзы шоры учкон.