Лудорвай музейын «Бесерманъёс» нимо адӟытон усьтӥськиз

Выставкаын возьматӥсько Глазкарысь шаертодонъя музейысь коллекциос: бесерман дӥськутъёс.

Адӟытонэз сиё-дано усьтӥзы музейлэн кивалтӥсез Ирина Вершинина но лулчеберетъя но туризмъя элькун министрлэн воштӥсез Пётр Данилов. Ижкарысь крезьгуро элькун колледжысь егитъёс бесерман крезьёсты шудӥзы.

Вераны кулэ, кӧснуналэ Лудорвай  музейын ГУРТФЕСТ ортчоз.  Гурт лулучеберетъя но искусствоя фестивальлэн одӥгез люкетэз сӥземын луоз бесерманъёслы.

Музей дасяське бесерманъёслэсь юртъерзэс усьтыны. Отын та нунуалэ веме карозы – юртъерез кенерен котыртозы. Отчы волонтёръёсты возьмало.

Вераны кулэ, бесерманъёс ӧжытлыдъем калык. Соос уло-выло шаерамылэн уйпал ёросъёсаз но Киров улосвылын. 2010-тӥ арын калыкез лыдъян-гожъямъёсъя бесерманъёс пӧлы асьсэды 2 сюрс 200 мурт  пыртӥз.

http://www.myudm.ru/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий