Лопшо Педунь сярысь удмурт кылын книга поттыны дасяло Ижкарын

Лопшо педунь сярысь удмурт кылын книга поттыны дасяло ижкарын 1

Кемалась ик ӧвӧл, книгапоттонниын Лопшо Педунь сярысь ӟуч кылын 64 бамъем чибориё книга поттӥзы. Отчы удмурт амало, маскарчи муртъёс сярысь выжыкылъёс пыризы. Нош выжыкылъёсын удмурт книга «Лопшо Педунь, Алдар Иван но мукетъёсыз» нимаськоз. Юрий Кузнецовлэн кылъёсызъя, удмурт кылын книга ӟуч кылынэзлэсь кык поллы зӧкгес луоз. Суредъёссэ, азьвыл потэм книгалы сямен ик, Михаил Вахрин дасялоз.

«Та Лопшо Педунь сярысь книгаос пумысен туж бадӟым тау вераме потэ Йӧскалык лыдӟетъюртлы. Малы ке шуоно соос милям потэм книгаосысьтымы ик, 30-тӥ аръёсысен кутскыса, шедьтылӥзы пырыен-пырыен кытчы ке но книгаосы пырем выжыкылъёсты. И сыӵе туж тунсыко выжыкылъёс шедьтылӥмы, сюлэм ик шумпотэ», — шуэ Юрий Кузнецов, «Удмуртия» книгапоттоннилэн кивалтӥсез.

Тодэ вайытом, кылем арняе книгапоттонниын удмурт калыклэн мадькылъёсыныз но выжыкылъёсыныз «Мифы, легенды и сказки удмуртского народа» ӟуч кылын книга поттӥзы.

https://udmurt.media/udm/news/kultura-i-turizm/54900/ 

 

Поделитесь с друзьями:
Аватар александр бикузин

Журналист, редактор сайта, руководитель и куратор медийных проектов, продюсер и ведущий интернет-телеканала «Даур ТВ»

Дом Дружбы народов
Добавить комментарий