Кызьпу арамаын Выль ортчоз

    Кызьпу арамаын выль ортчоз 1

    Азьвыл та праздникез «Удмурт кенеш» огазеяськон радъя ке вал, туэ — «Удмурт вӧсь» огазеяськон. Солэн ёзчиезлэн Альберт Разинлэн верамезъя, Ижкарын улӥсь удмуртъёс дышемын ни та вашкала йылоллы, соин сое уретоно ӧвӧл. Тау карон-вӧсяськонэ азьло сямен ик выль будэм бакча сиёнэн лыкытын куро.

    «Вылез пусйыны удмуртъёс Кызьпу арамае люкаськыны дышизы ини – шулдыръяськыны, шудыны, ог-огенызы адӟиськыны, ог-огзылы чебер кыл вераны, кырӟаны-вераны. Асьмеос люкаськиськом песятайёсмылэсь сям-йылолъёссэс утён понна. Дугдӥм ке сое утемысь, соку удмуртлыкмы но быроз», — шуэ Альберт Разин.

    Вуэм калыкез шулдыртозы Ижысь фольклор ансамбльёс.

    http://www.myudm.ru/