Кузебай Герд нимо гимназиын кылъёслы сӥзем фестиваль ортчиз

Нылпиос Удмуртиын улись бигер, ӟуч, еврей, пор, азербайджан но мукет выжы калыкъёсын тодматскизы. Соос понна радъямын вал 9 мастер-классъёс. Кылсярысь, нылпиос бигер но азербайджан эктонъёсты адӟизы, пор калык сярысь утён мунё лэсьтыкузы тодӥзы но трос мукет. Озьы пиналъёс кыӵе ке уж пыр выль калыкъёсын но кылъёсын тодматскизы.

Ужрад дыръя нылпиослы телефонлы чаклам мобильной ватсэт сярысь веразы “Шунды” огазеяськонысь егитъёс, со алфавитэз ӝоггес дышетыны юрттэ. Выль ӝӧквыл шудонъёс сярысь вераз “Удмуртия” издательсвоысь ужась. Ужрад дыръя “Билингва” центрен но “Удмурт нылкышно кенешен” радъям “Ӵужанай доры сюрес” конкурсэ пыриськемъёсты но вормисьёсты данъян грамотаосын но син-пель кузьымъёсын пусйизы.

https://vk.com/udmurtnylkyshno

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий