Курбан-Байрам кутскиз

Сям-йылолъёсъя, Курбан-Байрам  дыръя одно такаез вандыны кулэ. Солэсь сӥльзэ 3-лы люконо: оглюкетсэ семьяен сиёно, мукетсэ 3 нунал ӵоже люкылоно. Праздник сиён-юонэн бусьтыр луыны кулэ.

Но нырысь ик Курбан-Байрамез ӟеч уж лэсьтонэн герӟало. Та нуналэ начар улӥсьёслы саламъёс сётъяны, озьы ик ӵыжы-выжыосын но матысь адямиосын пумиськыны кулэ.

«Россиын тросэз пусъё та праздникез, — шуиз элькун кивалтэтлэн тӧроез Ярослав Семёнов праздникез усьтонын. — Котькуд кунмурт конфессиослэн праздникъёссы сярысь тодыны, йылолъёссэс гажаны кулэ».

Та нуналэ уноез мусульманъёс Меккае вуыны тыршо. Туэ Удмуртиысь но 100 пала адями дун чылкыт интые мынӥз.

http://www.myudm.ru/