Кунгож сьӧрысь но бускель улосвылъёсысь студентъёс Удмуртиысь вылӥ дышетсконниосты быръё
Оглом улсовылысьтымы вылӥ дышетсконниосын 42 сюрс 966 студентъёс тодон-валан люкало. Соос пӧлысь 35 сюрс 91-ез Удмуртиысь луо, нош 6 сюрс 884 – Россиысь мукет улосвылъёсысь. Со сяна эшшо 991-ез – кунгож сьӧрысь лыктэмъёс
Шаерысьтымы вузъёсын тужгес но Иракысь, Египетысь егитъёс тунсыкъясько. Озьы ик матысь кунъёсысь – Таджикистанысь, Узбекистанысь но Туркменистанысь студентъёс вуо.
Удмурт кун университетын кунгож сьӧрысь дышетскисьёс пӧлын тужгес но кулэяськоноез «Нефтегазовое дело» ӧнер луэ (Иракысь студентъёс), Техникая кун университетын – техникая ӧнеръёс (Египетысь студентъёс).
Россиысь мукет улосвылъёсысь студентъёс шаерысьтымы вылӥ дышетсконниосты гуртсылы матын луэмзылы, дунъёслы, вузъёслэн кельшымон луэмзылы но дышетонлэн ӟечлыкезлы луыса быръё. Элькунысьтымы вылӥ дышетсконниосын Татарстанысь, Башкортостанысь, Киров улосвылысь но Пермь шаерысь студентъёс дышетско.