Кукмор ёросысь 50 пала удмурт но бигер пиналъёс удмурт эктонъя «Шундысиос» вожвылъяськонэ пыриськизы

«Туж умой ортчиз. Ваньмыз 52 пинал вал садикысь. <…> Ёрос центрысьтымы лыктӥзы чисто бигеръёс, удмурт кырӟанъёсты кырӟаса потӥзы эктонзэс. Астмеос ик паймимы. Удмурт лулчеберетэ тоже пырисько», – шуиз Геннадий Ахметов, Кукмор ёросысь «Инвожо» ансамбльлэн кивалтӥсез

Вожвылъяськон пиналъёс пӧлын удмурт эктонъёсты вӧлмытон, чеберлыкез валанзэс юнматон, быгатонлыкъёссэс волятон, нылпиосын ужась дышетӥсьёслы юрттон вылысь радъяськиз.

Пиналъёс пӧлын удмурт эктонъя «Шундысиос» вожвылъяськон нырысьсэ ортчиз. Туэ вань нылпи садъёс дасяськыса ӧз вуттэ, нош вуоно арын пыриськисьёс тросгес луозы, оске Геннадий Ахметов.

Биер гуртын егитъёс понна радъяськись лы та выллем ик вожвылъяськон («Эктон дыр») кылем арын улосвылкуспо инлык басьтӥз. Отчы Киров улосвылысь Вятской Полянаысь удмуртъёс мыло-кыдо пыриськизы, шуэ «Инвожолэн» кивалтӥсез. Туэ но конкурсэз азьланьтыны малпазы, со 29-тӥ оштолэзе радъяськоз.

«Инвожоен» радъям удмурт вожвылъяськонъёс сяна, Кукмор ёросын «Жингрес удмурт кырӟан» улосвылкуспо ужрад но «Чеберина» ёрос вожвылъяськон ортчо, озьы ик удмуртъёслы пумиськон ӝытъёс радъясько.

https://udmurt.media/udm/news/kultura-i-turizm/34892/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий