Куиськонъя Росси школа усьтӥськоз Ижкарын

    Куиськонъя школалэн валтӥсь мугез – куиськон ужез вӧлмытон, со борды тунсыкъяськонэз будэтон.

    "Школа али но ужа ини, шуыны луоз, — вера чеберлыко киужъёсъя элькун юртысь удмурт куиськонъя ёзэтысь кибашлы Татьяна Тихонова. — Туннэ куиськонъя ёзэтын ньыль адями ужа. Соос ӵушконъёс, шобретъёс куо, озьы ик мылкыд карисьёсты дышето". 

    Вераны кулэ, росси школаын удмурт куиськонлы гинэ уз дышетэ — пӧртэм выжы калыкъёслэсь киуж амалъёссэс возьматозы. "Бадӟым ужез валтыны туннэ вылӥ ӟечлыко кибашлыос шаерамы тырмыт, — шуэ чеберлыкъя юртэн кивалтӥсь Наиля Собина. — Элькунысь 10 ёросъёсын куиськонъя мастерскойёс усьтыны ми субсидийёс басьям. Росси Кивалтэт милемлы преми сётиз та киужъя школа усьтэммы понна. Соин ик дышетӥсьёс шаерамы вань".

    Куиськонъя удмурт школалы Ижкарысь 19-тӥ даур кутсконын пуктэм Лятушевичлэн юртсэ сётӥзы. Туннэ отын тупатъян-лэсьтон ужъёс мыно. Ӵапак отын вуоно арын ини удмурт куиськонъя росси школа ужаны кутскоз.