Куинь сэрго адӟон

    Куинь сэрго адӟон 1

    9-тӥ Мае выставкаын экскурсия нуыны оскизы нылпиослы. Пиналъёсты азьлапал ик нимысьтыз дышетӥзы музейысь экскурсовод Светлана Брызгалова но наукая но методикая отделлэн кивалтӥсез Наталья Шумилова. Соос веразы, кызьы радъяське адӟытон, кӧня дыр ӵоже экскурсиез нуоно, учкисьёс медаз жаде шуыса.

    Удалтӥз музейын ужаны Кузебай Герд нимо гимназиысь пиналъёслы но. Татысь 10 нылпиос 4 час ӵоже экскурсиос нуизы. Соослэсь тыршемзэс адӟыны, выставкаен тодматскыны вуизы эшъёссы, анай-атайёссы, гимназиысь дышетӥсьёс.

    Национальной музейын та адӟытон ужалоз 23-тӥ июнёзь. Собере та выставка мукет интыосын возьматэмын луоз.

    https://udmdunne.ru/