«Куара» огинлэн «Айшон» ӵектосэзлы йылпумъян ужрад ортчоз Ижкарын

Ужрадэ вань мылкыд карисьёсты возьмало. Ортчоз со 22-тӥ куарусёнэ 18:30 часын таӵе адресъя: Ижкар, Милиционной урам, 4 юрт.

Удмурт чеберлыкен тырмем проектлэн презентацияз туала мода возьматозы, ӵектос улсын лэсьтэм дырпусэн тодматозы, удмурт дэремлы сӥзем «Айшон» вожвылъяськонын вормисьёсты пусъёзы, кибашлыос но дизайнеръёс вузкарозы.

«Айшон» ӵектослэсь йылпумъян ужрадзэ озьы ик меӵак эфир пыр но учкыны луоз. Онлайн учкон понна, выжоно ДАУР ТВ огинэ.