«Куара» огазеяськон 4 ар ужамезлы йылпумъянъёс лэсьтӥз
Эшъяськон юртын егитъёс быдэстэм ужъёссы, вуоно проектъёссы сярысь кенешыны.
«Куара» огинлэн кивалтӥсезлэн Владислав Степановлэн верамезъя, та дыр ӵоже 920-лэсь трос адями туала видео кылдытыны дышетэмын, удмурт контент 134 котыр видеолы узырмытэмын,19 проект быдэстэмын.
Йылпумъян лэсьтэм бере быръемын вал выль правление. Матысь дыре «Куара» огазеяськонлэсь ужзэ Владислав Степанов ик валтоз.
Со сяна, «куараос» азьланяз быдэстоно ужъёссы сярысь кенешизы. Трос малпанъёс герӟаськемын рекламной роликъёс бордын ужанэн, шуггес ужъёс борды басьтӥськонэн. Кылсярысь, тросэзлэн вакчи метръем кино яке сериал бордын ужамзы потэ.