Крезьгур инструментъёсын егит шудӥсьёсты «ЭТНО Эстония» лагере ӧтё

    Крезьгур инструментъёсын егит шудӥсьёсты «этно эстония» лагере ӧтё 1

    «ЭТНО Эстония» — со 16-сен 30 аресозь фолк-гурез шудӥсь крезьгурасьёслэн калыккуспо лагерьзы. Отчы пырисько пӧртэм инструментъёсын калык гуръёсты быдэстӥсьёс. Асьэлэсь быгатонлыкъёссэс возьматэм сяна, соос кылзыны быгато Эстониысь но мукет кунъёсысь вуэм музыкантъёсты. Котькуд участник лагере аслаз крезьгуро интсрументэныз лыктэ.

    Эстониысь ӵыжы-выжы калыкъёслэн Программазылэн коньдэтысьтыз концертэ пыриськем, лагерьын улэм но сиськем понна котькуд участниклы коньдон висъяське. Транспорт понна 120 евро берыктӥське. Озьы ик дун тыроно ӧвӧл Вильяндиын ортчись фолк-фестивале пыриськем но отын улэм понна.

    Лагере пыриськыны мылкыд карисьёс радъясьёслы таӵе ивортон келяны кулэ:

    -нимтул;

    -телефон номер;

    -электрон почталэсь адрессэ;

    -кыӵе выжыысь луэмзэ;

    -дышетскон яке ужан инты;

    -загранпаспорт вань-а ӧвӧл-а;

    -сьӧре нуон интсрумент (арган, аккордеон, скрипка, гитара; флейта яке волынка; йыган инструментъёс);

    -лагере пыриськонлэсь мугзэ;

    -луонлык вань ке, лэзёно клиплэсь видео яке аудио гожтэмзэ.

    Куриськонъёсты 20-тӥ куартолэзёзь куто таӵе адресъя: info@fennougria.ee
    Конкурслэн йылпумъянъёсыз сярысь тодмо луоз 10 инвожо котырын.

    Ватсаса ивортон:
    Кади Раудалаинен
    +372-644-5119, +372-6445155
    info@fennougria.ee

    «ЭТНО Эстония 2018» ортче Лымшор Эстониысь Кыпу черкогуртын но Вильянди карын калык крезьгуръя «Viljandi Folk» тодмо фестиваль улсын.

    «ЭТНО Эстония» котькур ар радъяське Эстониысь  тужгес но бадӟым «Viljandi Folk Мusic» крезьгуро фестиваль азьын. Чаклмъёсъя, туэ отчы пыриськозы 70 крезьгур инструментъёсын шудӥсьёс, 6 менторъёс но кӧня ке ӧтем музыкантъёс но дышетӥсьес.

    «ЭТНО Эстония» лагерьын луозы:

    -эстон калык крезьгуръя семинаръёс;

    -кырӟанъя но вылӥын пусъем крезьгур инструментъёсын шудонъя мастер-классъёс;

    -дэмен инструментъёсын шудон;

    -кунгож сьӧрысь вуэм куноослэн урокъёссы;

    -эктон ӝытъёс;

    -Кыпу черкогуртын но Вильянди карын ужрадъёсы пыриськисьёслэн концертъёссы.

    Лагерьлэн сайтэз: folk.ee