Котькуд шутэтскон нуналэ — выль ужрад
![Котькуд шутэтскон нуналэ - выль ужрад 1](https://udmddn.ru/wp-content/uploads/2018/12/uju.jpg)
Ижкарын ужрадъёсты Ымусьтон праздникозь ортчытыны чакламын. Шор площадьын сяна, соос радъяськозы Ижкар тымет дурын, Киров нимо паркын, зоопаркын. Дасям ужрадъёслэн пуштроссы пӧртэмесь. Котькуд мылкыд карись бырйыны быгатоз аслыз кельшисьсэ.
Валтӥсез — «Ижевск карнавальный» ӵектос. Со ортчоз Выль аре выжон уе. Калыкез ӧтё Шор площадьысь чеберъям кыз доры. Ужрадэз ортчытӥсьёс ӵекто шудонъёсы пыриськыны, йӧлэсь ӝутэм гурезьёсысь нискыланы. Кутсконэз — ӝыт 8 часын. Кун азьмуртлэн ӟечкыланэз бере чакламын концерт, фейерверк но позыръяськон.
4-тӥ толшоре – Тол Бабайёслэн бызьылонзы.
5-тӥ толшоре — Ижкар тыметын чорыганы яратӥсьёслэн ӵошатскозы ортчоз.
7-тӥ толшоре — гын сапеген хоккей шудонлэн финалэз.
Озьы ик тымет вылэ котькуд нунал тодмо суредась Семен Бухарин снегоходэн поталоз, лымы вылэ пӧртэм суредъёс гожмалоз.
Шутэтскон нуналъёслы чаклам вань ужрадъёсты рос-просгес учкыны луэ http://2019.izh.ru/ сайтысь.