Коммерци луисьтэм огазеяськонъёс понна нимысьтыз сайт кылдытӥзы Удмуртиын

Удмуртиысь кивалтэтлэн тӧроезлэн нырысетӥ воштӥсез Александр Свинин малпамъя, выль сайт тӧрлыкъёслы, дэменлыкъёслы но ужбергатӥсьёслы мерлыко кичӧлтонъёсты быдэстон понна пайдалыко кусыпъёс юнматыны юрттоз.

«НКО.Удмуртия» сайт — коммерци луисьтэм огазеяськонъёслы юрттон но добровольчествоез азинтон понна одӥгез нырысетӥез вамыш», — шуиз Александр Свинин, Удмуртиысь кивалтэтлэн тӧроезлэн нырысетӥ воштӥсез.

Портал асмылкыдчиослэн огазеяськонъёссылы юрттыны но соосты тодмо карыны, озьы ик калыкез волонтёръёслэн ужазы кыскыны но соослы коммерци луисьтэм огазеяськонъёслэн ӵектосъёссы сярысь вераны кулэ луоз. Кылсярысь, выль сайтын дышетон материалъёс, огазеяськонъёсын радъяськись ужрадъёс, азинлыко ӵектосъёс но грантъёсъя конкурсъёс сярысь ивортодэт, озьы ик со огазеяськонъёслы пайдалыко луыны быгатӥсь чӧлсконпусъёс кылдозы.

Сайтлэн одӥгез люкетэз Доброволецлэсь арзэ ортчытонъя радъясь комитетэз но ужанрадлыкез кылдытонлы сӥземын. nkoudmurtia.ru сайтлэн нимысьтыз формаез пыр кунмурт, коммерци луисьтэм огазеяськон комитетлэн ужаз пыриськыны куриськон сётыны, озьы ик ӵектонъёссэ келяны быгатэ.

https://udmurt.media/udm/news/obshchestvo/35279/