Коми-пермяк лулчеберетэн тодматозы Ижкарын улӥсьёсты

Ужрад Коми-Пермяк округысь М.П. Лихачёв нимо шор лыдӟетъюртлэн «Живи, книга Пармы!» ӵектосэз улсын радъяське.

«Живи, книга Пармы!» югдытӥсь проектлэн ужпумез – Россиын улӥсьёсты коми лулчеберетэн но литератураен тодматон.

Кудымкарысь куноос Ижкарын улӥсьёс понна узыр программа дасязы:

Книгаосын «Парма литературная» адӟытон, отчы коми калыклэн вашкала но туала литература произведениосыз пыризы;
«Писатели Пармы» коми-пермяк литература огазеяськонлэн кивалтӥсеныз, «Иньвенский край» газетлэн валтӥсь редактореныз, кылбурчиен Елена Коньшинаен но журналистэн, огъяросси но улосвыл конкурсъёслэн лауреатэныз, гожъясен Василий Кольчуринэн пумиськон, таяз ужрадэ Удмуртилэн калык гожъясез Вячеслав Ар-Серги но Удмуртиысь дано журналист, кылбурчи Владимир Михайлов пыриськозы;
Фольклоръя «Шондiбан» коллективлэн но Коми-Пермяк округысь М. Горький нимо драмая йӧскалык театрысь артистъёслэн возьматонъёссы;
Коми-пермяк сиён-юонъёсты веръян;
Коми-пермяк киужъёсын адӟытон-вузкарон;
Чеберлыко йӧскалык киужъёсты кылдытонъя мастер-классъёс.

Ужрадэ вань мылкыд карисьёсты ӧтё. Пыронэз эркын.

СОЦИАЛЬНЫЕ СЕТИ

Проекты: