«Кольыёшурма» нимо адӟытон усьтӥськоз Алнаш ёросысь Усо гуртын

Со интыяськоз Муважи шор- ёзо школалэн юртаз. Выставка талэсь азьло ужаз ини Ижкарын суредан искусствоосъя музейын. Табере отысь аспӧртэмлыко туспуктэмъёсын тодматскыны быгатозы алнашъёс но.

Туэ гужем ӵапак Усо гурт вӧзын этнофутуристъёслэн 9- тӥез калыккуспо симпозиумзы ортчиз. Отчы Удмуртиысь, Башкириысь, Татарстанысь, Марий Элысь, Пензаысь, Эстониысь, Финляндиысь 28 суредасьёс пыриськизы. Соос 2 арня ӵоже Кольыёшурма бырем гуртын ужазы. Соосын быдэстэм туспуктылэмъёслэсь ик адӟытон кылдытэмын.