Кияса ёросысь егитъёс этношудонлы дасясько

    Кияса ёросысь егитъёс этношудонлы дасясько 1

    Таяз радэ пумиськонэ вуозы 7 ёросъёсысь командаос: Кияса, Алнаш, Ува, Шаркан, Вавож, Эгра но Вотка. Ваньмыз ӧвӧлэз 50 адями.

    Программа 2 нуналлы кылдытэмын. Шудон улсын егитъёс гуртысь гуртэ ветлозы, пӧртэм выжы калыкъёсын пумиськылозы:

    — Подгорной черкогуртын «Пукон корка» удмурт сэреге пыралозы. «Купанча» ансамбльлэсь концерсэ учкозы. Со сяна табань пыжозы но удмурт мунё лэсьтыны дышетскозы.

    — Данилово черкогуртын Свято-Никольской черке пыралозы. Соослы дасямын экскурсия, бачкоен кенешон, озьы ик казак выжыысь адямиосын пумиськон.

    — Первомай черкогуртын ӟуч лулчеберетъя «Русская изба» центре пыраны чакламын. Отын егитъёсты витё ӟуч калык шудонъёс, эктонъёс.

    — Пыралозы Киясаысь П.А.Кригоновлэн музеяз.

    — Йылпумъян ужрад ортчоз Вуж Сальяысь «Сальядор» агроусадьбаын. Шутэтскон сяна, татын но командаослы бадӟым уж чакламын. Егитъёс ветлэмзы сярысь видеоролик дасялозы, синпель кузьымъёс лэсьтозы, эшъяськон писпу мерттозы. Со сяна егитъёс эктонъя конурсын вожвылъяськозы, нош командаос быгатонлыкъёссэс возьматозы.