Кияса ёросын  Вуж выль арез пумитазы

Шулдыръяськон Выль Тӥгырмен гуртысь лулчеберетъя юртын ортчиз. Люкасьемъёс вож кыз котыртӥ бергазы, тунаськизы, удмурт сямен кырӟазы — эктӥзы, шуныт ӟечкыланъёс ог-огзылы веразы.

«Ужрад улсын  «Пумиськон» клублэн выль арын нырысетӥ кенешез ортчиз. «Пумиськон» клуб трос арзэ ни удмурт ансамбльёсты герӟа.  Солэсь ужрадъёссэ Киясаысь чеберлыкъя юртысь автоклуб радъя. Солэн ёзчиосыз  Макарова Валентина, Митрянов Юрий, Баль Андрей  туж быгатыса ужало» – гожтэмын «Удмурт Кенеш» огазеяськонлэн Кияса ёросысь ёзэтэзлэн вотэсбамаз.

Пумиськон ӝытын Выль Тӥгырменысь гурт клублэн кивалтӥсезлэн воштӥсезлы Алефтина Михайловна Шапеевалы удмуртлыкез азинтон удысын бадӟым уж нуэмез понна элькунысь йӧскалык министерстволэсь таукаронзэ сётэмын.