Киное — фонарикен
Тросэз кинопоказъёс 29-тӥ июне ортчозы. Ижын киноосты возьматозы Киров нимо паркын, Воткинскын — П. Чайковскийлэн музей-усадьбаез вадьсын, Сарапулын — Кама шурлэн ярдураз, Эгралан — «Эгра» этнопаркын. Ёрос центръёсын фестиваль культурая юртъёс азьын ортчоз. Киноез тужгес ярато Якшур-Бӧдья ёросын — фестиваль татысь 8 гуртэ вуылоз.
Фестиваль Россиысь егит режиссёръёслэн 10 фильмъёсынызы тодматэ. Учкисьёс устозэ киноез быръёзы. Со понна кино учкем бӧрсьы тужгес ярамонэз фильм понна куара сётоно, телефонэз яке фонарикез ӝуатыса. Радъясьёс тыллэсь макем яркыт луэмзэ мертало. Сентябре — Россиын отчыозь кыстӥськоз фестиваль — калыклы тужгес кельшем киноез ялозы. Оглом 1 сюрслэсь ятыр интыосысь адямиослэн малпанзы чакламын луоз.