Кез ёросысь Александрово школаысь пиналъёс «Шундысиос» огазеяськонэ пыро

Кез ёросын эстрада кырӟанъя “Шундыкуара” вожвылъяськон ортчиз. Отчы 6 школаос пыриськизы. Вормиз Александровоысь Антон Белослудцев.

«Одӥг кырӟан кырӟай мон, – шуэ  Антон Белослудцев. – Со “Мынам сюлэмам” нимаське. Но со удмурт кырӟан ӧвӧл, со англи кылысь берыктэмын удмуртэ но ӟуче. Мон сое кырӟай. Кызьы ке луиз озьы, мыным нырысетӥ инты сётӥзы. Сыӵе вормон мынам нырысьсэ».

Мукетыз вожвылъяськон “Йыбырвесь” нимаське. Со интернет пыр радъямын вал. Александровоослэн Тынгыли нимо мунёзы вормись луиз. Солэн кылдэмез вашкала мадёсъя артысь Олып гуртэн герӟаськемын.

«Отын 2 ошмесъёс вылэм, – шуэ Александрово школаын дышетскись Диана Лекомцева. –  Огаз ошмесэ лыктэм Тынгыли нылаш, мукетаз – пияш. Соос синмаськиллям ог-огзылы, сюан шудӥллям. Собере соослэн вордиськем пиналзы. Солы Олып ним понӥллям».

Тынгылиез кылдытӥзы школаысь горд сюен ужанъя “Усточи” кружоке ветлӥсь пиналъёс. Кружок 6 ар ужа ни. Школа ёросын удмурт кылэз пыӵатонъя валтӥсь площадка луэ бере, уноез ужъёссы удмуртлыкен герӟаськемын.

http://www.myudm.ru/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий