Кез ёросын «Яратоно удмурт кыл» нимо лагерь ортчиз

Удмурт кылэн тунсыкъяськисьёс понна «Яратоно удмурт кыл» нимо сменаос 2 арзэ ни гужем радъяськылӥзы. Та дыр ӵоже отчы 100-лэсь ятыр адямиос вуылӥзы. Таяз радэ огкылэ вуэмын вал лагерез толалтэ радъяны. Мылкыд карисьёс трос ӧз люкаське, соин ик кенешемын вал кылъёсты дышетӥсьёты, линвистъёсты люканы.

Лагерь удмурт кылэн тунсыкъяськись 8 муртъёсты огазеяз: коми-зырян, коми-пермяк, нанай кылэз тодӥсьёс, ӟучъёс. Арня ӵоже лагере лыктэмъёс удмурт кылэз асьсэ анай кылэныз ӵошатыса дышетӥзы. Тужгес но капчиен кылмы сётӥськиз Комиын улӥсьёслы.

«Ачим Кудымкарысь но дышетскисько Сыктывкар унивеситетын 1-тӥ курсын, — шуэ Василий Епанов. — Удмуртиын мон 4-тӥзэ ини, но удмурт сямен вераськыны ӟеч ӧй на дышы. Удмурт кылэз ӟечгес дышетон но тодон понна вуи та лагере».

http://www.myudm.ru/