«Кенеш» журнал вормисьёссэ шараяз

Пӧртэм арлыдо, пӧртэм инлыко гожъяськисьёслэсь произведениоссэс ар ӵоже люказы «Кенеш» журналлэн редакцияз. Пумо жанръем ужъёссэс конкурсэ 100 пала шаерамы сяна, Мурманскысь, Дагестанысь, Эстониысь улосчиосмы ыстӥзы.

«Кенеш» журналлэн редакторезлэн Ольга Бородиналэн верамезъя, конкурс нырысь ик егитъёс понна сюлмаськыса кылдытэмын вал. Соослэн мылкыдзы мед ӝутскоз гожъяськыны, соослэсь ужзэс кызьы ке но дунъяло шуыса мед шӧдозы.

Конкурсэ пыриськемъёс пӧлын нимо-дано авторъёсын ӵош тодмотэмъёсыз но. Вольыт удмурт кыл – тӥни мае дунъязы жюриос вуэм произведениосысь.

«Меӵак верало, шумпотыса лыдӟи, – шуэ жюрилэн ёзчиез Виктор Шибанов. – Шумпотӥ удмурт литературамы понна. Кудпала мынэ улон, кулэ на литература, вань-а солэн азинлыкез, кыстӥсько-а отчы егитъёс – вань та юанъёслы умой ласянь валэктон шедьтӥ».

Вормисьёс:
«Тужгес умоез кузь мадёс» номинациын – Мария Векшина, Елена Петрова.
«Тужгес умоез верос, новелла, очерк, эссе» – Николай Павлов.
«Тужгес умоез кылбур сузьет, поэма» – Анастасия Шумилова, Елена Виноградова.
«Тужгес умоез пьеса» – Василий Ушаков, Ульфат Бадретдинов.
«Нылпиослы тужгес умоез гожтос» – Владимир Котков, Лия Малых.
«Критика но литературатодос удысъёсъя тужгес умоез уж» – Вера Пантелеева.

Гожъяськисьёс куспын таӵе вожвылъяськон туэ но ортчоз. Отчы эшшо номинация ватсаны огкылэ вуизы – «Тужгес умоез берыктэм уж».

http://www.myudm.ru/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий