Каракулино ёросын Калыкъёслэн Эшъяськон центрзы ужаны кутскиз

Ёросын эшлыко уло но ужало ӟучъёс, удмуртъёс, бигеръёс но поръёс. Соос асьсэ кылынызы верасько, соослэн пӧртэм сям-йылолъёссы. Но ваньзы соос бадӟым семья выллем уло. Ӵапак со ик центрез усьтонлэн мугез луиз. Татын вань выжы калыкъёс ог-огзы сярысь тросгес тодыны быгатозы.

Центрез сиё-дано 20-тӥ толсуре усьтӥзы. Лыктӥзы куноос: йӧскалык политикая министрлэн воштӥсез Людмила Соковикова, ёрослэн тӧроез Сергей Русинов, Удмуртиысь ӟуч культурая огазеяськонлэн кивалтӥсезлэн воштӥсез Светлана Щапова, Калыкъёслэн Эшъяськон юртысьтызы ӧнерчи Ирина Омелюхина но ёросысь йӧскалык лулчеберетъя огазеяськонъёслэн кивалтӥсьёссы.

Калыкъёслэн Эшъяськон центразы Каракулино ёросын улӥсьёслэн юртъер котырын кутӥськись арбериосын, дӥськутэн, тусьты-пуньыен выставка радъямын вал. Нош йылпумъяськиз ужрад бадӟым концертэн. Отын асьсэлэсь быгатонлыкъёссэс возьматӥзы йӧскалык ансамбльёс.

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий