Камсьӧр удмуртъёслэн огазеяськонзылы 10 ар

Мер огазеяськонэз юбилееныз ӟечкыланы вуылӥзы йӧскалык политикая, культурая но туризмъя министерствоосысь ӧнерчиос, «Удмурт Кенеш» оагазеяськонлэн ёзчиосыз, Башкортостанысь, Пермь шаерысь, Киров но мукет улосъёсысь удмурт огазеяськонъёслэн ёзчиоссы.

Удмуртиысь камсьӧр удмуртъёслэн огазеяськонзы тужгес но егитэз удмурт йӧскалык огазеяськон луэ. Но 10 ар куспын пӧртэм ӵектосъёс улонэ пыӵатэмын. Улӟытэмын «Эленвӧсь». Со Башкортостанысь кык ёросъёсын но Пермь шаерын черодэн ортчылэ. Мукетыз ӵектос — вашкала удмурт гуръёсъя «Чакара» фестиваль. Нырысь со Ижкарын гинэ радъяськылӥз. Но берло аръёссэ Элькунмылэн палэназ но выжиз. Фестиваль ортчиз ни Башкортостанын, Пермь шаерны. Туэ вашкала удмурт гуръёс чузъяськозы Татарстанын.