Камсьӧр удмуртъёслэн огазеяськонзылы 10 ар тырме

Камсьӧр удмуртъёслэн огазеяськонзы шаерамы 10 ар талэсь азьло кылдӥз. Та дыр куспын со бадӟым мерлыко кужымлы пӧрмиз ини. Огазеяськон мыло-кыдо пыриське удмурт движениез пӧртэм улосъёсын улӥсь калыкмы пӧлы вӧлмытыны. Нош "Ӟаныкай" ансамбль тросаз элькун праздникъёслэн дуно кунозы луэ. Камсьӧръёсты ас бордаз люказ но бинялтыса возе Флюра Чибышева.

Огазеяськонэ калык бадӟым мылкыдын лыктэ кивалтӥсьсылэн Флюра Чибышевалэн ужзэ йыг-йыг нуыны быгатэменыз. Та нуналъёсы Флюра Ахметовна 55 арес тырмонзэ пусйиз. Та аръёс ӵоже трос уж лэсьтэмын: нылпиос будэтэмын, внукъёс вордӥськемын. Со вормонъёс вӧзын Камсьӧр удмуртъёслэн огазеяськонзылэн матэктӥсь юбилеез нимысьтыз инты басьтэ.

«Собыдӟа юбилее пырыса, мукет гожез ортчыса, мон нош ик капчи мылкыдын ужало, — шуэ Камсьӧр удмуртъёслэн огазеяськонзылэн тӧроез Флюра Чибышева. – Милям огазеяськонмылы 10 ар тырме. Соос 10 нунал кадь ортчизы. Со шудо аръёс, аслад калыкеныд пумиськыны быгатиськод бере. Соин но дыр чаляк ортче».