Камбарка ёросын йӧскалык культураосты тодӥсьёс вожвылъяськизы

Визьсынанъя шудон «Молодёжь и этнокультура» ёрос проект улсын радъяськиз. Солэн валтӥсь ужпумез – егит муртъёсты Россиын улӥсь калыкъёслэн узырлыкенызы тодматон.

ДК-лэн фойеяз вожвылъяськонэ пыриськисьёслы но куноослы калык творчестволы сӥзем адӟытон усьтэмын вал. Нош «Молодежный» центрысь ӧнерчи Светлана Зарубина утись мунё лэсьтонъя мастер-класс ортчытӥз.

«Этнознаток» ёрос шудонэ пыриськизы:

– Ершовка гуртысь лыдӟиськонниын ужасьёслэн “Победитель” командазы;

– Шолья школаысь “Ромашки” команда;

– Борок школаысь «Мылысь-кыдысь» команда;

–  Камбаркаысь 2 номеро школаысь «Юные этнографы» команда;

– Кама культурая юртысь «Дуслык» команда

Вожвылъяськон-шудон 4 люкетъёслэсь кылдытэмын вал: «Дуннеысь калыкъёс», «Лэчыт веранъёс», «Шарадаос» но «Тест». Нимысьтыз тодон-валанъёссэс возьматыны ӵектэмын вал командаослэн азьветлӥсьёссылы.

Шудонлэн йылпумъянъёсызъя 3-тӥ инты басьтизы кузёос – Кама культурая юртысь «Дуслык» команда, 2-тӥ – Ершовка гуртысь лыдӟиськонниын ужасьёслэн “Победитель” командазы, нош нырысетӥ – Камбаркаысь 2 номеро школаысь «Юные этнографы» команда.

Люкаськемъёс понна Кама культурая юртысь усточиос концерт возьматӥзы.

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий