Камбарка ёросын ӧвӧл удмурт кылъя дышетӥсьёссы

«Школаосын дышетыны кулэ удмурт кылэз, -шуэ «Удмурт Кенеш» огазеяськонлэн Камбарка ёросысь ёзэтэныз кивалтӥсь Анатолий Суфиянов. – Но дышетӥсьёсмы ёросын чик ӧвӧл. Азьлогес 2 школаосын факультатив вал. Дышетонъя управление мон пырай та ужез ӝутоно шуыса, но дурбасьтӥсьёс ӧвӧл».

Удмуртъёс огазьын тросгес уло Армязь гуртын. Татын 90-тӥ аръёсы кырӟаны яратӥсьёс кылдытӥзы “Сяськабей” ансамбль, усьтӥзы удмуртъёслэн улэм-вылэмзылы сӥзем музей висъет. Та коллектив сяна, Камбаркаын удмуртлыкез утё на “Азвесь” ансамбльысь кырӟасьёс. Туннэ та кык коллективъёс гинэ калыкмылэсь сям-йылолъёссэ, шудонъёссэ, сиён-юон пӧртэмлыксэ киязы кырмыса возё.
Анай кылэз гажан мылкыд пыӵаны быгатоз калыклэсь историзэ, культуразэ тодон бордысь. Ӵапак солы сӥземын ёросысь клубъёсын ужанъя сӧзнэтлэн “Мы вместе на родной земле” ӵектоссы. Йӧскалык политикая министерствоен ялэм вожвылъяськонын со туэ грант утиз.

Шудон чакламын 14-18 аресъем егитъёслы. Калык сям-йылолъёс пыр пиналъёс тодматскозы Камбарка ёросын улӥсь калыкъёсын. Соос пӧлын луоз удмуртъёсын но тодматскон.

http://www.myudm.ru/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий