Калыкъёслэн эшъяськонзылы сӥзем фестиваль

    Ӵапак Тыло школа туэ Россиысь дышетскисьёслэн движенизылэн ужамезъя одӥгез пилотной площадкаез луэ. Огъя Элькунамы 10 школаосын сыӵе ужрадъёс кылдытэмын.

    Тыло школае вуозы 8 школаосысь делегациос. Ужрадэ 100 пала адями пыриськоз. Солэн валтӥсь мугез — егитъёс пӧлын ас лулчеберетдэ утён но ӝутон, озьы ик артэ улӥсь калыкъёслы гажан мылкыд пыӵатон.

    Якшур-Бӧдья ёросысь Тыло школаысь дышетӥсьлэн Валентина Морозовалэн верамезъя, котькуд школа дасяське кыӵе ке но калык выжыез возьматыны, кылсярысь, милям пиналъёсмы украин калыкез дасяло. Мукетъёсыз возьматозы ӟучьёсты, чиганъёсты, одно ик луозы удмуртъёс. Котькуд калык выжылэсь фестивале пыриськисьёс возьматозы сиёнъёссэс, шудонъёссэс, кырзанъёссэс.