Калыкъёслэн Эшъяськон юртсы 10 ар тырмонзэ пусъёз

Эшъяськон юртэз кылдытонлы кичӧлтон сётӥз Удмуртилэн  нырысетӥ азьмуртэз Александр Волков. Та ужпум борды 2003-тӥ арын басьтӥськизы.

Выль учрежденилы инты культурая Октябрь юрт быръемын вал. Бадӟым реконструкци ортчытэм бере ӧсъёссэ со 2008-тӥ арын 3-тӥ куарусёнэ усьтӥз.

Озьы 10 ар талэсь азьло Калыкъёслэн Эшъяськон юртсылэн липетэз улын  огазеяськизы удмуртъёс, ӟучъёс, бигеръёс, поръёс но шаерамы улӥсь мукет калыкъёс.

Та нуналъёсы итӥськизы дагенстанецъёс. Йӧскалык ужпумъёсты нуэм сяна, со бадӟым Росси но элькун ужрадъёсты ортчытонлы — усто площадка.

Юбилей лыдпуслы Калыкъёслэн Эшъяськон юртазы ужасьёс пӧртэм ужрадъёс дасязы.

5-тӥ куарусёнэ 14 часын Эшъяськон юртын сӥё-дано кенешон ортчоз. Отчы пыриськозы Элькун Тӧролэн Администрациысьтыз но Элькун Кивалтэтысь оскем муртъёс, муниципал кылдытэтъёсысь ӧнерчиос, лулчеберетъя йӧскалык огазеяськонъёслэн ёзчиоссы, Россиысь мукет улосвылъёсысь Эшъяськон юртъёсысь куноос.

Пумиськон улсын 10 ар ӵоже ужамлы йылпумъянъёс лэсьтозы но журналистъёс куспын радъям «Удмуртиысь бесерманъёс» нимо  вожвылъяськонлы йылпумъянъёс лэсьтозы.

16 часын Эшъяськон юрт азьын нылпиослы но соослэн анай-атайёссылы чаклам шулдыръяськон кутскоз.