Калыкъёслэн эшъяськон юртазы дышетон учреждениосын этнокультурной ӧрез кылдытон ужпум сярысь вераськизы

    Калыкъёслэн эшъяськон юртазы дышетон учреждениосын этнокультурной ӧрез кылдытон ужпум сярысь вераськизы 1

    Ужрад улсын «Этнокультурное образовательное пространство Сарапульского района» проектэн тодматскон радъямын вал. Солэн ужпумъёсыз но нырысетӥ йылпумъянъёсыз сярысь вераз Сарапул ёросысь дышетонэз азинтонъя методцентрлэн кивалтӥсез Елена Некрасова. Со пусйиз: «Ёросысь дышетӥсьёсмы али дышетон учреждениосын этнокультурной ӧрез кылдытон бордын тыршо. Ужӵектосэз улонэ пыӵатыса, ёросысь 14 дышетсконниосын удмурт кылэз дышетыны кутскизы ини. Эскеронъёс возьматӥзы, уноезлэн анай-атайёслэн мылкыдзы вань, нылпизы анай кылзэ мед тодоз шуыса. Азьпалан турттиськом бигер кылэз дышетонэз но азинтыны».
     
    Нылпи садъёсысь воспитательёслэн ужазы йӧскалык юанъёсты пыртон сярысь вераз Ижкарысь 280 номеро нылпи садысь кивалтӥсьлэн воштӥсез Татьяна Зворыгина: «Йӧскалык ужпумъёс нылпи садамы пӧртэм выжы калыкъёслэсь сям-йылолъёссэс возьматыса пыӵало. Та ужъя воспитательёсмы но, пиналъёсмы но конгрессъёсы, конкурсъёсы, семинаръёсы, фестивальёсы пырисько. Удмуртиысь йӧскалык политикая Министерстволэсь но Калыкъёслэн Эшъяськон юртысьлэсь трос гинэ данъян кагазъёссэс люкамы ини».