Калыкъёслэн Эшъяськон юртазы бигер диктант гожтӥзы

Диктант азьын ужрадэ пыриськисьёслы видеосознэт пыр вазиськизы Казаньысь акциез радъясьёс. Собере конвертэз усьтыса, люкаськемъёса диктантэз гожтыны кутскизы.

Диктантлэн текстэз басьтэмын вал бигер писательлэн Амирхан Еникилэн «Жиз кынгырау» веросысьтыз ог люкетэз. Лыдӟиз М. Джалиль нимо библиотекаысь бигер лулчеберетъя но литературая Центрысь ёзэтэн кивалтӥсь Рамзия Гиззатуллина.

Диктантлэсь йылпумъянъёссэ акцие пыриськисьёс соку ик тодыны быгатӥзы. «5» оценка басьтӥзы 15-ез гожтӥсьёс.

Ижкарын сяна, «Бигер диктант» акци ортчиз Москваын, Санкт-Петербургын, Казаньын, Уфаын, Екатеринбургын, Тюменьын, Павлодарын но Бишкекын.