Калыкъёслэн Эшъяськон юртазы адӟытон ужа

Дэбесысь политехникумын 50 арлэсь кема ини художественно-графической ёзэт ужа. Отын дышетско вуоно суредасьёс, черчениен дышет ӥсьёс. Соос пӧлысь куд-огез кунгож сьӧрын но ужа – Италиын, Япониын. Со сяна та ёзэтэз ас вакытаз йылпумъяз Удмуртиысь калык суредась Вячеслав Михайлов.

Экспозиция студентъёслэсь тужгес но усто ужъёссэс огазеяз. Вераны кулэ, адӟытонын писпулэсь быдэстэм ужъёс гинэ интыямын. «Худграфын» дышетскисьёс удмурт шӧмъя живописен, басмалэсь ужъёсты быдэсто на.

Адӟытонын возьматэмын удмурт дӥсен мунёос, пужыосын шыкысъёс, матрёшкаос.

«Политехникуммы декоративно-прикладной искусствоя центр ӧвӧл. Татын ми саклык дышетонлы висъяськом, но калык сям-йылолъёс вылын. Ми азинтӥськом лулчеберетэз, элькунмылэсь тусбуйзэ пыдлось гуртысь возьматӥськом», — шуэ политехникумысь дышетӥсь Алексей Ившин.