Калыккуспо Выль ар

Отчы 13-тӥ толшоре Вуж Выль арез пумитаны, ортчемезлы йылпумъянъёс лэсьтыны Элькунысь 36 йӧскалык огазеяськонъёслэн азьветлӥсьёссы люкаськозы.

Выль ар ӝытын Удмуртиын улӥсь калыкъёслэн кырӟанъёссы но гуръёссы чузъяськозы, озьы ик йӧскалык сиён-юонъёсты веръяны луоз.

Калыккуспо Выль арез ортчытон, мукет ужрадъёс сямен ик, Элькунамы улӥсь калыкъёслэсь кусыпъёссэс юнматыны юрттэ.