Калык шудонъёсын кутӥськись музей экспонатъёс

Конкурсэ пыриськисьёс азе пуктэм ужпум — школа музейын утӥськись, куке но калык шудонъёсын кутӥськись арбериосын тодматон. Тодматыны луэ пӧртэм амалъёсъя: экскурсия, музей урок, мастер-класс пыр.

Атабай школаысь пиналъёс кутэн тодматӥзы. Кут – вашкала Россиын туж паськыт вӧлмем пыдкук. Соин пыдэз зыратэк небыт ветлыны вылэм. Но туж ӧжыт ветлон дырыз солэн — 2-3 нунал гинэ.

Вуж Сальяос «Чекеля» шудонэз возьматӥзы. Чекеля – шашкаос выллем шудон. Соосты нылпиос асьсэ киын пулэсь лэсьтылӥллям.

Ермолай школаын дышетскисьёс люкаськемъёсты шудытӥзы. Шудонын кутиськись арбери – нош ик кут. Со сяна кут сярысь кырӟан быдэстӥзы, выжыкыл мадизы.

Конкурсын вормись луиз Ермолай школа, 2-тӥ интые потӥз Атабай дышетсконни, но 3-тӥ – Вуж Салья.