Калык крезьгуръя «Кантеле» фестивале пыриськыны быгато Удмуртиысь езо инструментъёсын шудӥсь егитъёс
Вожвылъяськон Петрозаводскын 25–27 коньывуонэ ортчоз. Ужрадэ Россилэн улосвылъёсысьтыз но кунгож сьӧрысь 10–23 аресъем устолыко крезьгурасьёсты ӧтё — ансамбльёсты но огназы шудӥсьёсты, кин калыкез инструментлэн аспӧртэм чузъяськеменыз паймытыны быгатэ.
«Кантеле» фестиваль кун юрттэт но коньдэтысь уксё басьтӥз. Соин ик, коммерци фестивальёсын но вожвылъяськонъёсын ӵошатыса, солэн бадӟым инлыкез. Пыриськисьёсты интыяломы но сюдомы, озьы ик соосты возьмало Россиысь но Финляндиысь тодмо крезьгурасьёслэсь дунтэк мастер-классъёс, экскурсиос», — шуэ Татьяна Темнышева, Карелиысь Йӧскалык лулчеберетъёсъя но калык творчествоя центрлэн кивалтӥсез.
Куриськонъёсты cnk-karelia@yandex.ru электрон адресъя лэзьыны луэ.