Кадръёсъя удмурт резерве сюрон вылысь вожвылъяськон ялэмын

Вуоно арын Кузёбай Герд но Ашальчи Оки нимо премиосты быдэн 3 адями басьтоз. Герӟаськемын со дано улсчиосмылэн, югдытӥсьёслэн вордскем дырысенызы 100 ар тырмонэн. Таӵе ӵектонэн потӥз йӧскалык премиосъя ӧри. Воштӥськон кайталы гинэ чакламын. Эшшо огез дэмлан — Трокай Борисов нимо йӧскалык данъетъёсын пусъёнэз азьланьтон.

«Та премиез сётэ вал «Дэмен» огазеяськон, но али адямиос сое уг басьто ни, — шуэ йӧскалык премиосъя ӧрилэн кивалтӥсез Георгий Грязев. — Премилэн данэз туж вылӥын вал. Ми малпамы положенизэ солэсь выльдыны но премиез «Удмурт Кенешлэсь» шуыса сётъяны. Сое малпаськомы сётыны мер но политика уже мылысь-кыдысь пыриськисьёлы».
«Удмурт кенеш» оагезяськон егитъёс пӧлын вожвылъяськон ялэ.

Конкурслэн йылпумъянъёсызъя, Кун ужъюртъёсын вакансиос кылдэмен «Удмурт кенеш» аслаз быръем ӧнерчиоссэ дэмланы быгатоз. Ужрад улсын пӧртэм ӧръёсын удмуртъёс тросгес луыны быгатозы — пусъё мерлыко огазеяськонын.

Удмурт кадръёсты быръемен, бӧрысь соосты тодон-валанзэс будэтон вылысь дышетсконъёсы келяны луонлык вань. Та вакытэ нош каръёсысь но ёросъёсысь егит, ас ужзэс валась но яратӥсь ӧнерчиослы «Удмурт кенешлэн» ёзэтъёсаз вазиськоно.