Ӟуч лулчеберетъя обществ о “Два языка — одна Родина” акци ортчытэ

«Удмурт но ӟуч кылъёсын гожтэм сувениръёс выжы калыкъёслэн лулчеберетсылы но йылолъёссылы гажан мылкыд пыӵатыны быгатозы. Со сяна удмурт кылын гожтэм арбери анай кылмес дышетыны шаерамы улӥсь вань калыкъёслэсь тунскыксэс будэтыны быгатоз», — верало акциез радъясьёс.

Открыткаосты, наклейкаосты, магнитъёсты но шарикъёсты люкылыны матэктӥсь шутэтскон нуналэ – 16-тӥ тулыспалэ кутскозы. «Динамо» катокын карын улӥсьёслы яратӥсьёслэн нуналзылы сӥзем синпель кузьымъёс сётъялозы. Акци азьланьтӥськоз воргоронъёслэн нуналазы, нылкышноослэн праздниказы но 10-тӥ южтолэзе – соку 2 кылын гожтэм сувениръёсты космонавтъёслэн парказы люкылозы.

Кузьмъёс вылысь суредъёсты но гожтэмъёсты ӟуч лулчеберетъя “Русский дом” центрысь суредась но историяя, кылъя но литературая институтысь ӧнерчиос быдэстӥзы.

Синпельёс матэктӥсь праздниклэсь мылкыдзэ возьматозы. Озьы удмурт кылэз тодӥсьтэм муртъёс валалозы, кызьы яратон сярысь верало, яке кинэ чеберина шуо.