Ӟечлэсьтон Выль ар возьматонъёс ортчозы Удмуртиысь вань театръёсын

    Ӟечлэсьтон выль ар возьматонъёс ортчозы удмуртиысь вань театръёсын 1

    «Милям вал кенешон, кытын ми лулчеберетъя элькун юртъёслы вазиським но со спектакльёсты, кудъёсыз дунын мыно, секыт улон югдуре шедем пиналъёслы ӟечлэсьтон улсын ортчытыны ӵектӥм. Одӥгез но театр пумит ӧз луы», — вераз Сергей Смирнов.

    Солэн кылъёсызъя, Выль ар кузьымъёс секыт улон югдуре шедем 40 сюрслэсь трос пиналъёс басьтозы.

    «Шонер верано ке, со 41 сюрс 890 пиналъёс. Со азьвыл аръёслэсь шӧдскымон тросгес», шуиз Сергей Смирнов.

    Тодэ вайытом, 2017-тӥ арын анай-атайтэк кылем пиналъёслы кузьымъёслы Удмуртиын 1,5 миллион манетлэсь ятыргес висъязы. Соос понна элькунысь Кун циркын Выль ар возьматонъёс ортчизы.

    Ватсалом, Ижкарын улӥсьёсты Элькун нылпи эмъюртысь Выль ар кызэз чеберъян понна шудонъёсты кылдытонъя ӟечлэсьтон ужрадэ ӧтё.

    https://udmurt.media/udm/news/obshchestvo/46773/